THAILAND: Bangkok - Ko Phangan

Hoi mitenand

uesi reis haet guaet agfangae. bis uf aen zwueschaefall am flughafae. mir haends recht pressant gha, und uf zmol wird dnicole usgruaefae!! haend scho schiss gha, dass mir zspot sind oder so... sind daenn bim boarding-schalter goh froogae, wa los isch. zum gluegg ischs daenn aber nur dcorine (di chlii schwoester) xii. mir haend ebae no mit erae abgmacht am flughafae, aber haend scho vorher moesae goh. well mir kei handy daebii gha haend, haend mir ues aber noed choenae abmeldae... jojo, raecht verschroggae sind mir!! aber nochher simmer daenn guaet in bangkok acho.

zerst haet ues moll di schwueael hitz fascht umghauae... daenn simmer ei nacht imnae hotel xii, und haend ues tickets fuer dae bus in suedae gkauft.
aso dstadt isch noed wuerkli schoen. hald mega viel luet und raecht chaos... drumm haemmer au noed laenger woellae bliibae...

nocherae ewig langae busfahrt und ae stuermischae bootsfahrt sind mir uf dae insle ko phangan acho. mir haend ues zerst moll ae bungalow reserviert, well mir daenggt haend, dass alles voll isch (waeg dae fullmoon-party). aes isch noed schlaecht, aber au noed gad dae hammer. drumm sind mir meistens mitm roller underwaegs am dinsle abcheckae. und wo mir gester hai cho sind, isch am daniel sis geld waeg xii!!! aso vo iibruch haend mir nuet xeh, drumm verdaechtigaed mir dluet vom hotel... aber jo, chammer jo niae bewiisae, und zuaegeh doends es jo eh noed... naja, immerhin haet dnicole ihres geld versteggt, und alli charte sind no umae... aso sooo schlimm ischs au noed. aber es langt ues etz a daem ort, und drumm haemmer huet ae anders zimmer organisiert in "haad yuan". da isch ae bucht, wo raecht abglaegae und schwierig zerreichae isch. haet ues raecht gfallae doet...

gester simmer no anerae reggae-party am strand xii. suuuper kuul xii, sogar miterae fire-show! diae sind boes abgangae!! sogar ufm seil balanciert und mit zwei fuerstaeb am spielae - unglaublich!! und aes sind vier bands cho!! eini isch anschiinend die beruehmtist reggae-band vo thailand... aso aecht aen geilae obig xii!
und jo, morn isch daenn di legendaer fullmoon-party, wo vorallem dae daniel will goh. hoffaed moll, dass aes asatzwiis so laess wiae gester wird...

sooo, und etz isch fertig - haend hunger :)


liaebi grueaess vo ues 2