Dharamsala - Delhi - Schweiz

Halloo und herzlich willkommen zu üsem letschte Bricht

Mittlerwiile sind mir wieder ä ziitli dihai. Aber well bsunders öpper immer drängläd hät, hämmer etz glich no wöllä fertig schriibä und üsi reisebricht vervollständige!:) Viellicht wirds mangels Erinnerige chli chürzer als sust....

Also, mir sind jo wiä akündigt vo Rishikesh noch Dharamsala gangä. Dä Bus hät scho moll verspötig gha, wäg komischer organisation vo dä indische Büs und wäg dä sturheit vo dä israelis. Mir sind also rächt gnervt gsi di ganz busfahrt, vorallem wäg dänä stuure, luute lüüt!! händ dänn aber au diä fahrt überstandä und sind heil acho i dä bergä.
Isch aso scho gad ä stuck chälter gsi döt obä... Drumm händ mir üs au chli ä guäts hotelzimmer gnoh. Döt hämmer serste mol Zimmerservice gha i üsm läbä!:) Aber hald uf indisch, also nüt luxuriösäs...
Mir händ diä Täg i dä Natur bime herzige Flüssli mit Blick ufd Himalayas und im Dörfli verbrocht. Isch ganz ä chliisäs hübsches Dörfli mitme grosse Tempel und meeeega viel buddhistische Mönche und Nonne. Rächt verschlofe und meega sympathisch! Uf dä Strössli gseht mo immer winzigi Momo-Ständ! Oooooh, sind diä lecker!!! Än perfekte Snack für zwüschäd durä...
Dä Dalai Lama händ mir leider nöd gseh!:( er isch gad in Spanie oder so gsi... Mir händ difür dänn im Hotel am Obig dä "Dalai Lama TV" gluägt!:) (döt chömäd dä ganz Tag Redä vo ihm)

Vo Dharamsala us sind mir dänn noch Delhi gfahrä. Än nächtliche Busstopp isch gad näbämä Hanf-Feld gsi!:) Witzig...
In Delhi händ mir üs dänn dä India-Flash nomoll so richtig geh! Sind zu dä Märkt no paar Sachä goh poste und üs verzauberä loh vo därä extrem bunte Vielfalt! Diä Stofflädä sind mini absolute Liäbling gsi. Hoggäd paar Frauä drin mitm Verkäufer und händ jeeensti Stöff um und uf sich... Würklich än Augäschmaus!;) Und diä Düft bim Gwürzmarkt.... hooooou, äs isch eifach gewaltig schön, umwerfend viel Idrück und eifach än Zauber i däm Land! Obwohl alles so dreckig isch, entdeckt mo überall wieder was so wunderschöns... Und obwohls überall rächt stressig zuä und her goht, sind diä Lüüt di gelassenste, wo i je gseh han!!! I JUST LOVE INDIA!:)
I glaub also würklich, dass da ä Land isch, wo i niä ganz verloh wird... Än Teil vo mim Herze bliibt immer döt, und i kehr au immer wieder zrugg... Freu mi scho ufs nögste Mol!:))

Sooo, und etz hogg ich scho wieder im Alltag und träum nur no vo därä wunderbare Reis. Äs hät üs uf allfäll richtig guät gfallä.....

Namaste!

Agra - Rishikesh

namaste!

in agra sind mir da beruehmte taj mahal goh aluaegae! fuer 750 rupie (ca. 15.-) haend mir inechoene, inder fuer 20 rupie!!! aso scho gad chli heftig, dae priisunterschied!!! aber ues ischs glich wert xii fuers weltwunder chli meh zahle...


aes isch wuerkli ae wuuuunderschoens gebaeude us wiissem marmor. wow, isch wuerkli iidruecklich und wunderschoen mit dae 4 minarett!! diae symetrie und alles bis is detail verziert, aecht gewaltig!! haend viel foetteli gmacht, und sind au viel vo inder fotografiert worde... diae sind irgendwie ueberall scharf druff, ae fotti mit uslaender zmache!;)




chli usserhalb vo agra sind mir no is "itimad-ud-daulah", da wird au baby-taj gnennt... isch au ae grabmol vome muslimische herrscher oder so... uf allfaell isch da au ganz schoen und vorallem billiger xii! und dverzierige sind no viiiiel atemberaubender xi, au a dae decki... wundervoll!

vo dae schoenheit vo daenae gebaeude haet agra aber nuet!! isch ae scheiss stadt mit ufdringliche gschaeftlimacher! richtig laestig, und saessae isch gad au fuern arsch. pfuiii!!! haend drumm nur ei nacht doet verbrocht... da isch gad au dnacht vom cricket-wm-final xii. uuuund, india isch champion!:) hihi, sind raecht abgange mit fuerwerk und troemmele...

jetzt sind mir bereits scho dae 13. tag in rishikesh! da isch ae chliises pilgeroertli im norde, wo dae ganges no richtig schoen suber isch!:) aso er xeht zumindest viiiiel besser us als in varanasi, und dae daniel isch au drin goh schwimme. eifach schurig chalt, aber toll, wiedermoll choene bade! sind paar mol am strand (wuerkli schoene sandstrand) am ganges ghaengt und eimol au no zu dae wasserfaell gloffe. schoen xii, wiedermoll i dae natur zsii. haend etz scho sit laengerem immer chli staedtli bsucht...



in beatles ashram sind mir au no. dae stoht etz (sit 1998) verlasse doet, und wird vo pflanze verwucheret. mae cha aber immerno inegoh, und chli umestriele!:) aes isch aso riiiese gross, und haet voll viel chliini herzigi huesli. xeht richtig mystisch us und isch uuuh laess, durelaufe und sich vorstelle, wies do vor 40 johr xii isch!:)





ine immerno belebts ashram sind mir au gange. doet haltet aen baba amel ae red/predigt. haet ues moll wunder gnoh, und so sind mir goh luaegae gange... isch aso raecht schraeg xii, sehr viel so komisch spirituelli luet, wo am bode hogged. daenn chunnt dae baba (aen alte maa mit wiissem langem bart und hoor) ine, und alli stoend uf, wenn er abhoggt, hogged au alli ab... daenn haetter sini red ghalte, wo eigentli no schoen xii isch. aber er haet sich scho fascht uf ebeni vo gott gsetzt. und am schluss haends em no gobe brocht. voll guru-zueg... isch ues aso komisch vorcho, aen mensch so zvergoettere! aber zum moll xeh ha ischs laess xii!

und di letschte paar taeg haend mir vorallem chrank verbrocht. dae daniel haet mageproblem, und nicole ae nebehoehleentzuendig gha... richtig scheisse isch ues beidne gange. sind drumm zume ayurveda-doktor... diae praxis haet so chaotisch und schmuddelig usxeh, aber dae doktor isch meeega super xii!!! haet ues undersucht, und pilleli geh. und da alles soooo gemuetlich und herzlich, wow!! do choennt sich manch aen schwiizer-roboter-arzt no ae schiibe abschniide!! dae nicole haet er daenn no paar mol ae wunderschoeni gsichts massage geh...

etz sind mir wieder gsund, und choend endlich wiiter!:) well mir aber so viel ziit verlore haend, langts nur no fuer dharamshala... da isch dae ort, wo dae dalai lama im exil laebt. freuaed ues scho uf uesn noegste und zweitletschte stop bevor mir wieder hai choemaed...

bis scho gliiiiiiiiiiiii

Pushkar - Jaipur - Varanasi

namaste!

in pushkar sind mir gad moll zum pink floyd gstuueraet, wo mir am obig acho sind. haend aber ae voellig neus huus vorgfunde. aaalles renoviert und viel nobler gmacht! dementsprechend au tuerer... sind scho raecht enttuescht xii, aber dae alte ziite wille glich doet bliebe.

haend daenn 3 taeg doet verbrocht mit umelaufe und shope, im wuerkli seehr iiladende gaessli mit wunderschoene sache uf beidne siite!! schwierig zum widerstoh!!! uf dae gross huegel sind mir au no gloffe, letscht mol haemmer nur dae chlii gmacht und ues dae ander fuers noegst mol ufghobe... und dussicht ufm hoche isch wuerkli wunderbar xii! ufm waeg noch ufe haemmer au jeeenstes affe xeh, mit chliine! juhui! wuerkli laess xii, aber au streng...

am letschtae obig haemmer no dae cricket match gluaegt. isch ebae gad wm, und diae inder sind alli richtig hibbelig vor freud, well indiae so guaet isch! mittlerwiile sinds etz scho im final, da isch daenn morn. huuiii, da git mir no was!!!:)

in jaipur haend mir aen 2taegige zwueschestop ufm waeg noch varanasi iigleit. isch dhauptstadt vo rajasthan, und wird pink city gnennt. isch jedoch gar noed pink, komisch! aber haet no glatti gaessli, wo immer uf was spezialisiert sind, zb: steihauer (notuerli ohni schutzbrille oder aehnlichs...), schmuck, metall, ventilatore, toeffmech etc. sind aso viel eifach durch gaessli gloffe und haend chli slaebae xeh, waehrend dluet ues beglotzt haend!;)
a eim obig sind mir no zum "narhargarh" fort ufegloffe. vo doet obe haet mo daenn xeh, wiae riiiiiesig diae stadt isch!! wow, meeega wiit eifach nur hueser, aecht heftig!! dae sunneundergang isch au dae hammer xi vo doet obe! im dunkle sind mir daenn abegloffe und daenn mitm tuktuk hai gange...
da ischs daenn au scho xii in jaipur, und mir haend ues uf dae waeg noch varanasi gmacht.

nochere seeehr lange fahrt sind mir daenn in varanasi acho und haend ues vomne typ id gaessli fuehre loh... wiae ae labyrinth, luuter chliinnsti waegli, voll mit luet, toeff, kuehe uuund scheisse... isch aso gad chli viel xii uf dae erst blick!! nochdem mir ues daenn aber chli iiglaebt haend, ischs richtig laess worde! diae gaessli sind eigentli voll herzig und gemuetlich. und notuerli gits jo au no dae ganges do! dae heilig fluss, wo fascht scho stoht vor dreck!!! waeh, sooo grues wasser haend mir aso no niae xeh!!!!

isch au ae beliaebts bestattigsort do, wells oeppe dae wichtigst pilgerort vo dae hindus isch. pro tag verbrenneds do anschiinend ca. 50 toti!! isch aso immer rauch bi dae verbrennigsstell zxeh... und diae wo noed amne natuerliche tod sterbed, woerfeds is wasser (iigwicklet ine tuch mit stei din). da haend mir beides xeh... isch irgendwie richtig schraeg, dass da eifach so oeffentlich stattfindet. naebaed dra ischs normale laebae, und doet verbrenneds di tote... aber aes git au wiae aen natuerliche bezug zum tod... uf allfaell sehr speziell!!!
wells ebae so aen heilige ort isch, haets au meega viel bemolti heiligi und pilger do, wo sich im ganges vo ihrne suende freiwaeschaed... ae richtig bunts gmisch us ziemli allem, wa indie zbuete haet!! richtig spannend, da so choenae erlaebe!

und huet obig goend mir per nachtzug (dasmol mit 2 better :)) noch agra. damit mir da taj mahal au moll xeh haend... hoffed, aes lohnt sich, fuer da ca. 30mol so viel wiae inder zzahle (750 rupie)!
nochher gohts daenn ab in norde noch rishikesh voruussichtlich... mir meldaed ues daenn wieder moll! tschuessli

Arambol - Mumbai - Udaipur

gruezi hochverehrts publikum! sinder alli do?;)

mir sind uf dae suechi nochm tippie-doerfli an aswem beach gange. und dae haet so andersch usxeh als vor 4 johr, dass mir ues nuem sicher xii sind, oebs wuerkli dae richtig ort isch. tippies sind notuerli au nuem gstande!;( a saebm platz haets etz bonze-bungalows geh!!!  haend daenn frustriert nochere underkunft gsucht... und zmol, imne restaurant drani (bsitzerin vom gondwanaland) gfunde!:) isch aen meega zuaefall (schicksal?) xii, denn sie isch eigentli niae a saebm strand! nochdem sie ues dae weg beschriebe haet, haemmer uesi tippies endli gfundae!

neuerdings ischs in arambol, amne herzige baechli... haet sich eigentli sust nuet veraenderet, usser dass amne andere ort stoht. sogar dae rick, wo au scho vor 4 johr doet xii isch, haemmer wieder troffe!!:) isch aso aecht chli ae haicho xii!

sind daenn doet di meist ziit ghaengt. eimol no aen usflug zum heilige baum, wo vomne baba bewacht wird. isch aber seeehr komisch xii... aen betrunkne baba, wo flaeschae in wald woerft etc. aso wuerkli ueberhaupt nuet heiligs oder spirituells!! haend bim abewaeg aber no ae maske us tonerde vom baechli gmacht!:) waeg daem haet sich dae usflug daenn glich no glohnt!!

und sust simmer no an nachtmarkt in anjuna. chli enttueschend xii! praktisch alli staend sind vo westler bsetzt, mit komische goa-leder-chleidli!! aber feini schoggibanane haets gha! mjaaami!!!
a eim obig haets naebaed uesm camp no aen drum-event geh! wow, da isch meeega xii! ae chliini buehni, hochtalentierti troemmeler (sogar ufm tambourin voll abgange), buch- und firedancer! aecht eifach super genial xii diae show!!!!!!
nochere knappe wuche haend mir ues verabschiedaet und sind wiiterzoge noch mumbai mitm nachtbus...

in mumbai haemmer daenn ae billigs hotel gsucht. isch allerdings stuerste worde vo uesere bisherige reis! sind alli ziemli tuer, und gad ae loch hand mir noed woelle... aber fuer ei nacht ok...
sind chli goh umelaufe (zum gateway of india, taj mahal hotel, victoria terminus...). dasmol isch ues darmut nuem so schlimm vorcho. glaub, diae haend raecht "ufgruumt" i dae letschtae johr! sind daenn no is leopolds (bar usm buch "shantaram") was goh trinke. laegg mir, asae uebertuert!!!! wuerkli krass, nur waegm name... und sharte isch, aes isch trotzdem pumpe voll xii!!!
szugticket haemmer selber organisiert. sind also zum wunderschoene bahnhof, und sind doet mol amne schalter agstande. wo mir vorne acho sind, haet ues dae maa xait, dass da dae falsch seg. mir soelled zum schalter 52... ok, haend mir ues uf dae waeg gmacht. noch ca. 3mol hii und her laufe, und jeensti luet frooge haend mir dae ominoes touri-schalter eeendli gfundae und ueses ticket fuer dae nachtzuug noch udaipur bucht.
dae zug isch erstuunlich puenktlich abgfahre! wow, beiidruckend!! haend ues daenn bi uesne sitz/better niederloh... und daenn isch irgendwenn aen inder cho, wo ae ticket fuer sobere bett gha haet. toll, haend also nur ei chliises bettli fuer ues beidi gha! maano... isch no ae harti nacht worde. haend zerst probiert, ues zu zweit uf da bettli zquetsche. und schlussendli isch dae daniel an bode goh schloofe... am morge am 5i haetter daenn aber ae leers bett gfunde, und no biz choene pfuuse bevor mir acho sind... wuerkli strengi 17h xii!!

udaipur isch seehr ae schoeni stadt, mit wunderschoene hueser, gigantischem palast und drue inseli mit wiisse ville ufm stausee! viellicht kenned ihrs jo usm james bond film "octopussy"... isch aso toll, do eifach chli durch gaessli schlendere, dhueser bestuune, dae handwerker zuaeluaegae und uf dae dachterrasse chille!



vorgester isch daenn au no s'holi xii! da isch sfarbefest... am obig vorher haends luuter grossi fuenke mit jeenste knaller dra idae stroosse azuendt. (haet sogar ae kabel verschmoeraelaet, so dass am noegste tag kei internet meh gha haet ;) ) und ufere buehni haend transe tanzt, meistens zu shakira!!! schrecklich...

s'holi selber isch daenn raecht abgange am noegste tag!!! ein schritt usm hotel, und mae isch scho voll farb xii! diae schmiered eim da pulver richtig is xicht, und umarmed eim mitme "happy hooli"!:) leeeeider gits raecht viel inder, wo da als chance zum grabsche nutzaed! wuerkli uebel, wiae viel haend uf zmol a dae brust und am arsch sind!!!!!!! dnicole haet daenn amel gad vo afang a scho ein arm als deckig gnoh, oder sich gar nuem umarme loh!!! isch aecht schad xii, well sust ischs aecht ae super laesses fest! ueberall diae farbe und gluecklichi luet! aso kuul xii, da moll mitzerlebe!!!!:)

jo, und huet goend mir mitm bus noch pushkar... moll luaegae, wiae viel sich doet veraenderet haet sit 4 johr...

biireschnitz und haselnuss fuer huet isch us und schlussdibuss :)

Mysore - Gokarna - Agonda

saletti mitenand

soo, nochere lange schriiblose ziit endli wieder moll en blog...

mir sind in mysore no 2 taeg bliebe. uuuund mir haend dae palast xeh luechtae! wow, fantastisch!!! sind beidi sehr beiidruckt xii!! sie haend dae ganz palast mit tuusige vo gluehbire umrandet, und loend da 2mol idae wuchae fuer ae stund luechtae. aso wuerkli ae schoens spektakel xii!!:) siehe selbst:

daenn simmer au scho an paradise beach in gokarna... juhuuu, und er isch immerno ae paradies!:) haet zwor scho einigi neui bungalows geh, aber noed uebertriebe verbaut. haend doet aso chilligi zwei wuchae verbroocht!!! und scho bim acho mitm fischerboot haend ues delfin begruesst! wiae letscht mol!:) und nochher haemmers eigentli jedae morgae xeh, wenn mir usm bambushuettli usecho sind! haiaiai, eifach wundervoll!!!
sind au no uf gokarna gloffae, ueber 3 anderi straend, und zwueschaed ine immer ueber aen huegel. i daerae hitz ischs aso schono streng xii! aber au meega schoen, diae chliine waegli laufe... jojo, aber meistens simmer eifach gemuetlich am haengae xii...

noch chli meh als einer wuche haemmer daenn an kudle beach gwechslet. da isch dae strand am noechste bim dorf (gokarna)... isch ebae gad "shivaratri" xii. ae fest zu ehre vom shiva. scho wommer acho sind in gokarna, haemmer zwei riiesigi holzwaegae xeh. und bi jedem gokarna-bsuch, isch er groesser xii. wow, diae raeder sind oeppe 2.5m hoch xii! und so richtig alti us holz. aso biiz kriminell haets scho usxeh!! am fest haends dae wage daenn a meega dicke seil eimol dstross ufe, und daenn wieder abezogae. jenstes maenner am zuechae, und viiiel anderi wo uf balkoen dichtgedraengt am zuaeluaegae xii sind. banane haet mo au no ueberall choene chaufe, und in wage inewoerfe. bringt glueck. also haemmers au gmacht!:) isch aber mega hoch xi, no schwierig zum troeffe...

wells langsam aber sicher heiss wird im suede, und mir au dae norde no woend xeh, haemmer ues vorgest wiiter in norde ufgmacht... sind etz in agonda (suedlichs goa). haend ghoert, dass es no ae ruhigs oertli mit schoenem strand isch. dae strand isch au wuerkli schoen, und swasser au raecht klar!! aber sdoerfli selber isch eigentli nur fuer touris gmacht. aso xeht uf allfaell chli so us!
huet haemmer ues aen roller gmietet, und sind chli dumgebig goh erkunde. am kola beach haemmer aen raecht ruhige strand gfunde... noch paar stund simmer daenn wiiter zum palolem beach. und dae isch absolut hart! vollgstopft mit luet!!! schlimm...
jo, und sust simmer chli am nuet tuae... aso halt!! dae daniel goht etz amel goh jogge am morge (waehrend dnicole pfuused..)!!! so richtig aktiv und sportlich!:)

so, das waers vo ues! schiggaed eu chli sunneschii und hitz us goa ;)

INDIA: Kalkutta - Havelock (Andaman Islands) - Mysore

nochere nacht in kalkutta haend mir am noegstae morgae uesn flug noch port blair (andamane) no knapp verwuetscht. sind chli spot ufgstandae, und daenn zfuaess an flughafe gloffae. aber isch zum glueck alles schnell gangae doet, so dass mirs no gschafft haend.

in port blair (hauptstadt vo andaman islands) haemmer daenn noch formular usfuelle undm erste richtige indische chai (tee) dfaehre noch havelock gnoh. und well dae daniel au vo verbotne tuere kein halt macht, haemmer no choenae id fuehrerkabine zum kapitaen goh!:) no laess xii, all diae chnoepf xeh...

und daenn simmer endlich acho. am afang moll verschrocke, wiae tuer dass es isch. aso ae bambus-bungalow haet 700 rupie kostet!! da sind ca. 21 franke, wa fuer indischi verhaeltnis wuerklich viel isch! mir haends ues hald chli andersch vorgstellt, und sind drumm am erstae obig chli enttuescht xii...
aber diae enttueschig isch sehr schnell verflogae am noegstae tag. dae strand, wo als schoenste in asiae uszeichnet wordae isch, isch aecht meeega schoen!! wiisse, fiine sand, tuerkisblaus, kristallklars wasser, dschungel bis an strand, gar noed verbaut, und ueberraschenderwiis au fascht menscheleer!!! wow, isch aecht ein vo dae schoenste straend, wo mir je xeh haend!! und da wasser isch wuerkli fascht kitschig, sooooo klar, mae haet dae bode immer xeh, egal wiae wiit mo inegange isch. traumhaft! haend a daem strand aso paar taeg verbroocht!!!

goh tauche sind mir au no. di erstae 2mol simmer ae noed meega laessi spots, well mir nur uf 18m haend choenae abae. aber nochme chliine kurs sind mir daenn bis uf 28m gangae. und aes isch dae hammer xii!!! wommer is wasser sind, haemmer zerst moll nur blau xeh, und irgendwenn isch daenn dae bodae wiae usm nichts erschiene. haet jeenstes schoeni, farbigi koralle gha!! au schildkrote, moraenae, barracudas, thunfisch, clownfish, chugelfisch, riiiiese butterflyfish und no viel meh haemmer xeh! dae daniel haet sogar no aen riffhai xeh (dnicole isch chrank xii do)!! aso dunderwasserwelt isch aecht super doet! und vorallem nonig so voll. aso wemmo dunne isch, xeht mo noed dauernd anderi tauchgruppe wiae in ko tao... vo daem haer aecht no aen gheimtip!! au vom strand us schnorchle haet mo guaet choenae i daem (moends eifach nomoll betone...) andersch klare wasser!!!:)

und sguaete a daerae insle isch hald au, dass sie in indiae isch. well saessae eifach wieder unschlagbar fein isch!!! vorallem i dae chliine lokal! komisch, i daenae ischs super und guenstig, und wenn ine "guaets" restaurant gohsch, zahlsch jenstes unds schmoeggt nur halb so fein... aso kulinarisch ischs uf dae insle scho richtig indisch xi!:)

aso zum glueck isch diae insle no aen gheimtip. obwohl en disraelis scho entdeckt haend. isch aecht scho ae chliini enklave israels... naja, aber sind jo eigentli gmueaetlichi luet, mit gitarre und so... hoffaed eifach, dass diae insle no lang "unentdeckt" bliibt, und noed so wird wiae di meiste in thailand!!!!

momentan sind mir gad in mysore. sind huet morge direkt vo chennai (wo mir acho sind vo port blair) mitm bus acho. haend au scho dae maerli-palast do bewunderaet!! wow, dae isch aecht idruecklich!!!! voll viel suele, tuermli, boegae, schnitzereiae und anderi verzierigae!!! isch aecht chum zum ushalte xii, so wunderschoen!! und am obig luechtaet amel dae ganz palast! luaegaed mir ues daenn morn no a...

und etz goemmer daenn glob no anen markt, wos raeucherstaebli und beedis (indischi zigarette) druellaed... moll luaegae, wa ues doet erwartaet.

sind aso guaet in india acho, und freuaed ues scho uf di altbekannte oertli. woend noch mysore wieder an paradise beach, und hoffaed, dass dae no glich unberuehrt isch wiae vor 4 johr...

machaeds guaet! liaebi grueaess usm geliaebtae india

Pai - Bangkok

sooo, do sind mir endli wiedermoll...

no churz zu uesne letschtae taeg in thailand:

in pai sind mir no zum canyon gangae. isch sehr iidruecklich xii, di steile waend!! und am obig haemmer zudae hot springs im national park woelle. haet doet aber 200 bhat kostet. drumm simmer hald ine spa centre, wos nur 50 bhat xii isch. swasser isch aber au vo dae quelle cho und haet noch schwefel gschmoeggt... am afang haemmer fascht noed choenae drii, wells so heiss xii isch. paar anderi haend nochm fuaess-inehebae scho umkehrt und sind is chaeltere becki gangae... aber mit dae ziit ischs gange, und seeehr erholsam xii. haend aso guaet gschlofae nochher!:)

hmmm, und sust haemmer hald eifach dziit no chli gnossae i daem herzigae doerfli... nochher simmer mitm bus noch bangkok gfahrae. haend doet no gshopt was das zeug haelt und dstadt chli agluaegt mitm boot.

und jo, daenn ischs scho ab noch kalkutta (india) gangae...

THAILAND: Chiang Mai - Pai

hello again...

vom flughafe sind mir direkt id altstadt gfahrae. haend doet ae hostel gsucht, aber waegm flower- und reggae-festival sind fascht alli volle xii!! haend drum ae zimmer imne riisae hotel moesae neh, im 6. stock! aber jo, isch difuer no raecht komfortabel xii... haend no biz daltstadt erkundaet, und sind daenn direkt as reggae-festival...

waeg daem simmer au relativ schnell durch laos greist. haend scho in bangkok plakat vo daem festival xeh... und aes isch wuerkli sehr gediigae xii!! ufme trochne riisfeld, raecht gross und voll schoen dekoriert ueberall!! aecht geil xii! und bands sind au no raecht gross xii... dae "ky-mani marley" (sohn vom bob, wo aber ueberhaupt noed ueberzuegt haet!), "sister carol" (wommer nonig kennt haend, aber haaammer abgangae isch) und notuerli "job 2 do"... da isch diae thailaendisch baend, wommer au scho in ko tao xeh haend. haend aso ae raechts fest a daem thai-openair gha!:)

am noegstae tag haemmer dae rusch gnaedigst usgschloofae und sind daenn zumne super italiener (wo aceto balsamico gha haet!) goh aessae... dstadt selber isch no herzig, aso vorallem di chliine gaessli idae altstadt. sind aber noed so lang bliebe und nocherae wiiterae nacht noch pai gfahrae...

pai isch ae super gediegaes hippie-oertli im norde vo thailand. haend ae bungalow amne fluessli, schoen im grueaenae. aecht ganz ae herzigs huetli us bambus, gflochtne waend, sdach isch us grosse blaetter und ae chliini terrasse haemmer sogar au no vorne dra. voll schoen zum doet haengae und nuet tuae!:)

sind mittlerwiile scho ae paar taeg do... haend i daerae ziit mol aen usflug anen wasserfall gmacht. voll schoen, wommer au cha abaerutschae und goh badae... und aes haet jeensti schmetterling ueberall - heerrlich!!! werdaed morn glob nomoll chli doet anae goh haengae. und aen canyon haets no idae noechi, dae stoht au uf dae to-do-liste!;)

anae dschungelparty usserhalb vom dorf simmer au no gangae. doet isch wieder job2do cho. irgendwiae verfolgaed diae ues... ;) isch aber ae meegae kuuli stimmig und umgebig xii. und irgendwenn haends zmol so lampion (wiae mini heissluft-balloen) broocht, und mir haend daenn alli zaemae in himmel loh. voooll schoen usxeh!!:)

desweiteren haemmer au scho 5 schlange xeh!!! 3 daevo sind uf zmol uf ueserae terrasse naebaed ues xii! huiii, schoen verschrockae!!! sind daenn bidae rezeption goh saegae, dass mir schlange bim bungalow haend. und daenn sind 2 maenner losgrennt, und haends gjagt. sie haend aso usxeh, als obs angst haend. wuessaed aso noed, oeb diae giftig sind!! 2 haends toetaed, scho ae harti strof, fuer da dass eifach bi ues xii sind! aber wenns giftig sind, ischs viellicht scho besser... uf allfaell haemmer daenn alles usm bungalow gruumt und durchsucht, und etz haemmer kei schlange meh bi ues (hoffentlich)!:) sind aber eigentli wunderschoeni, voll farbigi... aso isch schono laess xii, diae zxeh! aber hald chli aen schreck, wells au is bungalow gschlaenglaet sind...

uund dae daniel haet sich no ae tattoo stechae loh. ae armband mit dae weltuhr... sehr schoen wordae! beschriibae isch chli schwierig, drumm, siehe selbst:

jojo, da sind so uesi erlaebnis bis etz. wuerkli ae super oertli mit geilem food ueberall!!:) bliibaed etz no chli do, und goend daenn langsam moll richtig bangkok, wo uesn flug noch indiae am 5.2. goht. juhui!:)

peace bald wiedermoll

Vang Vieng - Luang Prabang

sooo, sit langem wiedermoll: hoooii mitenand!!:)

also, durch vientiane (hauptstadt) simmer glich nur duraegfahre. sofort wiiter in norde uf vang vieng. da isch ae chliises oertli, umgeh vo bergae und fluess. toent eigentli wunderschoen. ABER aes isch absolut vo hohlae touristae ueberloffae!!! i praktisch jedem resti lauft "friends" oder "family guy", und sie sind au sust noed mit liaebi gmacht. eifach anaegstellt zum gaeld verdiaenae... und touris sind so party-luet, wo eigentli eifach hirnlos sind! sehr schad, well eigentli waers aecht schoen, dumgebig!!

haend drumm ae velo gmiaetaet, und sind moll us daem ort usaegfahrae... dlandschaft bestoht us karstbergae, wo fascht scho senkrecht us dae erdae luaegaed. xeht aecht umwoerfend schoen us!! mir sind daenn mitm velo zu dae blauae lagune gfahrae. isch wuerkli ae schoens chliisaes tuerkisblaus laguenli xii!!! und obedra haets ae tropfsteihoehli mitme liegende goldige buddha dinn gha. sind doet ine chli goh dgaeng erkundae... und nochher isch dae daniel no i di blau laguune goh schwimme... isch aso no schoen xii, i daerae natur!!

am letschtae obig haet dae dani no aen gammelburger uf dae stross gaessae. ischm daenn di noegstae taeg hundsmiserabel gangae. haet chum aen biss abaebroocht...

noch 2 naecht haets ues glangt, und mir sind wiiter uf luang prabang...

nocherae siebestuendigae kurvige busfahrt ueber bergae, simmer am obig endlich in luang prabang acho. dae erst iidruck isch schomoll guaet xii. chliini gaessli und herzigi restis! haend doet ae hotel gsucht, wo ues tanja empfohlae haet, da isch daenn aber leider voll xii, drumm simmer fuer ei nacht no ine anders, raecht schaebigs hotel... am noegstae tag haemmer daenn aber choenae zueglae is "nam sok 3". ae sehr schoens zimmer und vorallem aecht bequems bett!!:)

luang prabang haet sehr viel buddhistischi kloester und somit au moenchae. lauft immer wieder moll aen orange-kleidaetae moench verbii. aecht no schoen!! und tempel simmer doet daenn au goh aluaegae. eimol sogar zuaefaellig dur aen chlosterhof gloffae. no interessant xii, da zxeh! und tempel sind au dae hammer!! voll verzierti wunderschoeni hueser!!!

mir haend au no aen tagesusflug zume wasserfall gmacht. haend fuer dae trip raecht billig mitme tuktuk choenae goh, well mir super ghandlaet haend!:) aber leider haets noed so viel wasser gha, drumm isch er nur halb so schoen xii. aber glich immerno super, haet sich aso scho chli glohnt!! so chliini pools ueberall, und hald voll viel pflanze rundume...

am obig simmer amel chli dur dstrosse gschlenderaet, und an markt gangae. dae isch aecht no gross und laess xii!! haend am letschtae obig no richtig postaet und ghandlaet, well mir no "vorigi" kip (lao-geld) gha haend... isch aso aecht ae kuuls ort doet, sehr empfehlenswert!!

noch paar taeg doet, haemmer laos verloh und sind zrugg uf thailand (chiang mai) gflogae (mitm bus waers 19h gangae...). isch aen wiinzigae flughafae mit holzigae check-in-schalter xii! aecht herzig!!

soo, und vo thailand schriibaed mir daenn morn... danke adiae

LAOS: Pakxe - Don Det (4000 Islands)

hallo mitenand

haend etz gad kommentar entdeckt!:) diae werded somit ab etz glaesae...

also, dae zug isch no raecht gemuetlich xii. richtigi better! haend zwor trennti abteil gha, aber glich no raecht guaet gschloofae fuer aen zug! sind daenn noch 2 taeg reise und etliche formular usfuelle endlich in laos acho!! raecht kabutt, aber froh, wiedermoll imne stillstehende bett zschloofae!:)

vo pakxe us haemmer daenn am noegste tag aen usflug is bolaven plateau gmacht. doet haemmer kafi- und teeplantage, wunderschoeni wasserfaell und chliini doerfli mit urvoelker xeh... i daenae doerfer ischs raecht interessant xii, so chli zxeh wiae diae laebaed. aber irgendwiae au ganz koomisch, wemmo so als touri i dere ihri welt goht... aso ae noegsts mol wueraed mir viellicht nuem so mitere tour goh. sondern, wenn denn, chli laenger doet bliibae, damit mos au richtig xeht und kenne lernt....

und well mo sust in pakxe noed viel mache cha, simmer am noegstae tag wiiter richtig suede greist.

und zwor uf don det, da isch eini vo dae 4000 insle im mekong (fluss). richtig schoeni landschaft!! chlize chliini inseli mit buesch und baum im schoene ruhige fluss... und uf uesere insle ischs raecht verhaengt und chillig xii. und mae haet sogar choene in fluss gumpe vonere bar us. da haet dae dani notuerli gad gnutzt:

sind daenn miterae argentinierin undme italiener (wommer scho in pakxe kenneglernt haend) ae velotour uf di noegst insle gmacht. isch uuuuh heiss xii, well mir am mittag los sind. dementsprechend au streng xii, vorallem fuerd nicole und dargentinierin... ;) aber isch no aen guaetae usflug xii, well mir aen raecht schone wasserfall xeh haend!!

aso laos gfallt ues bis etz... dmensche sind zruckhaltender/ruhiger als in thailand und mega fruendlich... und dwaehrig do isch raecht schwach. umrechnigskurs isch oeppe so: 10'000 kip = 1.20 chf... drumm simmer eigentli millionaere!:) haend am bancomat je 2'000'000 kip useloh. schoe schraeg, so ae riise biig geld idae haend zha und fuer ae fanta 3000 zahle!!!:)
und etz goemmer moll richtig norde (vientiane) mitme nachtbus. moll luaegae, wa ues doet erwartet...

hasta luego

Ko Pu

do simmer wieder...

sind bis gester im peace paradise uf ko pu xii. mir sind gar nuem waeg cho, wells eifach super schoen isch doet!! dluet sind meeega liaeb und dae ort gar nonig ueberlaufae mit touris... haet sogar nur am obig strom durch generator geh!!:) aecht gediigae!!

ueses bungalow isch au dae hammer xii! haend sogar ae halb-privats brueckli gha!!:) aber mir haend idae letschtae paar taeg immer was  raschlae ghoert. schlussendlich haemmer usaegfundae was isch: ae schlange ufm dach (nur ae chliini grueni) und ae ratte im zimmer. aso wemmo wach xii sind, haemmer sie noed dinne gha. aber i dae nacht haemmers amel scho ghoert, wiae wieder aen plastiksack raschlaed!!! huiii, aso chli schiss haemmer scho gha... aber isch au gangae... :)

aso di meiste taeg simmer eifach am chille xii. chli glaesae, mengmol volleyball gspielt und gschnorchlaet... am obig simmer amel chli am fuer ghoggt. und haend sogar moll schlangebrot gmacht!:) und eimol haemmer no aen usflug um dinsle gmacht mitm boot. uf ko phi phi haets nuem glangt, sind au zwenig motiviert xii daefuer...

soo, und etz simmer gad in bangkok. machaed do nur aen tag zwueschaestop... sind vo gest uf huet di ganz nacht dure bus gfahrae, und huet nacht werdaed mir mitm zug underwaegs sii. isch aso mengmol scho au no streng, da reise!! aber sinds glich voll am gnuessae. sind etz moll gspannt uf laos, wird sicher au meega schoen werdae...

meldaed ues daenn wieder, wemmo doet scho chli was erlaebt haend.... laa gon

Ko Tao - Ko Pu (/Jum)

Sawadie kha/khrap

hehe, ae biiiiiz thai choemmer!:) kha isch wiiblich, und khrap maennlich...

aso noch dae wiaehnachtae haemmer no dinsle chli erkundaet. dae paedi (brueaeder dani) haet ues no aen gheimtip geh. mir sind daenn oeppae ae stund am strand noh und durch dae wald gloffae, bis mir diae banana rock bar gfundae haend. isch ganz ae chliini buch mitmae winzigae strand und no wenig verbaut! haet aecht super usxeh! und dae hoehepunkt isch dbar! sie stoht uf pfoehl im meer, und isch mit meega viel deko verziert. goh schnorchlae simmer au no gangae doet, und vom resti haemmer sogar dfisch xeh! wuerkli aen super platz xii!

di noegstae taeg simmer no goh tauchae gangae. haend ae schildkrot bim aessae xeh! mega schoes muster haet sie gha und isch ganz gnuesslich am knabberae xii!:) und sust haemmer no barracudas, clownfish, triggerfish, chugelfisch und ae wunderschoeni blaupunkteti roche xeh! isch aso wuerkli super xii, doet chli dunderwasserwelt goh bestuunae!! zwueschaed 2 tauchgaeng muaemo immer warte, bis mo wieder los cha. und am einte tag, isch smeer sehr unruhig xii... und daenn haets ues beidi usgnoh, haend doch tatsaechlich dfisch mit uesem erbrochene gfueaetteraet!!! manomann... aber wommer daenn wieder im wasser xii sind, ischs gangae... aber schono hart xii, wenns eim so schlecht wird!!!

sylvester heammer nuem woelle uf daerae insle verbringae. isch hald scho raecht viel los xii doet, meeega viel komischi party-touris! und mir haends liaeber wieder chli ruhiger woellae... drumm simmer daenn am 30.12. wiiter gangae... mir haend no ei nacht in krabi moesae verbringae, und sind daenn am 31.12.10 uf dfaehrae richtig ko jum.

haend eigentli in suede woellae vo dae insle. aber uf dae faehre haet ues daenn ae seeehr symphatischi frau aghauae, und ues ueberredt, ihres bungalow im norde azluaegae. doet heisst dinsle uebrigens ko pu... mir sind daenn vo dae faehre miteme longtail-boot (holz schiff mit langem ussebord-motor) abgholt und zum abglaegenae strand broocht wordae. und scho uf dae erst blick haend mir ues is peace paradise (heisst tatsaechlich so) verliaebt!! aes isch ae meeega herzigs oertli, wo alles wuerkli schoen gmacht isch mit mega viel liaebi! und dluet sind au eifach super, so herzlich und lustig!!:)

am sylvester haemmer daenn richtig familiaer mit allne am tisch vom thaibuffet gaessae. isch raecht lecker xii! dae dani haet ganzi 3 teller inaebigae!:) und nochher haends no aen dessert brocht, riis mit kokosmilch und mango. aso raecht heftig xii, all da aessae! aber isch ganz aen gedigne obig xii. sind daenn no ums fuer ghoggt und haend rundume (vo dae andere insle) dfuerwerk xeh! aecht moll ganz aen friidlichae ruhigae sylvester xii, tiptop!!

und jetzt simmer immerno do, und bliibaed wohrschinli au no ae ziitli. isch eifach so genial do, dass mo fascht noed cha goh. und so schoeni ort muaemer eifach au gnuessae!! werdaed aber glob no aen usflug uf ko phi phi machae. doet isch the beach truellt wordae.. aber anschiinend ischs raecht ueberfuellt vo touris, aso so wiae im film wirds wohl noed werdae... difuer haemmer da a uesem ort scho fascht!:))

aah und uebrigens: allne no ae ganz guaets neus johr!!!:)